Samsung kasaba uyushmalarining noqonuniy ish tashlashlarini taqiqlashni so‘rab sudga murojaat qildi

​Dunyodagi eng yirik xotira chiplari ishlab chiqaruvchisi bo‘lgan "Samsung Electronics" Janubiy Koreya sudlaridan kasaba uyushmalarining ish tashlash paytidagi noqonuniy xatti-harakatlarini taqiqlashni so‘radi. Ishchilar maosh bo‘yicha kelishuvga erishilmasa, 21 maydan boshlab 18 kunlik ish tashlash o‘tkazish va 23 aprelda yirik miting tashkil etishni rejalashtirishyapti.

​Kasaba uyushmalari kompaniyaning ushbu da’vosini "urush e’lon qilish" deb atab, o‘z huquqlari buzilayotganini ta’kidlamoqda. Ishchilar bonuslarni operasion foydaga bog‘lashni va raqobatchi SK Hynix kompaniyasi bilan maoshlardagi farqni yo‘qotishni talab qilishyapti. Agar ish tashlash amalga oshsa, bu Samsung yarimo‘tkazgichlar majmuasidagi ishlab chiqarishning yarmiga ta’sir qilishi va sun’iy intellekt sohasidagi yuqori talab tufayli dunyo bozorida chiplar tanqisligini yanada kuchaytirishi mumkin.