Samarqanddagi restoran oldida qarg‘ani zanjirband qilib qo‘yishdi. Bu haqda "ekolog.uz" telegram kanali yozmoqda.
"Samarqand shahrida Labi g'or restorani yonida Registon maydonining ro‘parasida zanjirband qarg‘a kuni bilan o‘tganlarga termuladi. Qanot qoqib uchishga harakat qiladi, ammo afsuski oyog‘iga solingan kishan bunga izn bermaydi.
Agarda kafe yoki restoranga shu tarzda odam jalb qilish maqsad bo‘lsa, adashasizlar. Qushning qiynalgani va odamlarni qarg‘agani qoladi, xolos. Samarqand viloyat ekologiya boshqarmasi qarg‘ani ozod etishga yordam berar degan umiddamiz", deb yozadi kanal.