3 dekabr kuni Jinoyat ishlari bo‘yicha Samarqand viloyati Kattaqo‘rg‘on tuman sudida viloyat davlat soliq inspeksiyasi boshlig‘ining birinchi o‘rinbosari A.Ahmedovning o‘limi yuzasidan ochilgan jinoyat ishini ko‘rib chiqish yakunlandi
✍️Bu haqda Oliy sud axborot xizmati rahbari xabar qildi.
⚖️Sud qarori bilan sudlanuvchilar M.Qo‘chqorov (Kattaqo‘rg‘on tumani IIB yo‘l harakati xavfsizligi bo‘limi boshlig‘i lavozimida ishlagan) va SH.Rahimberdiyev (Samarqand viloyati IIB YBB 4-bo‘limi katta inspektori lavozimida ishlagan) Jinoyat kodeksining 102-moddasi 1-qismi (ehtiyotsizlikdan o‘limga sabab bo‘lish) va 206-moddasi 1-qismi (hokimiyat yoki mansab vakolatlarini suiiste’mol qilish) bilan aybdor deb topildi.
🔷Sudlanuvchilar 2 yil ichki ishlar organlarida ishlash huquqidan mahrum qilinib, ularning har biriga 2 yil 10 oy muddatga ozodlikdan mahrum qilish jazosi tayinlandi. Tayinlangan jazoni manzil-koloniyalarda o‘tash belgilandi.