Samarqandda sodir bo‘lgan YTHda piyoda halok bo‘ldi

Hodisa sodir bo‘lgan mahallada YHXB mutasaddilari va aholi ishtirokida YTH muhokamasi o‘tkazilgan.

Samarqand viloyati Ishtixon tumanida sodir bo‘lgan yo‘l-transport hodisasida piyoda vafot etdi. Bu haqda viloyat IIB YHXB axborot xizmati xabar bermoqda.

Ma’lum qilinishicha, hodisa 2024 yil 21 oktyabr kuni sodir bo‘lgan.

Cobalt mashinasi Ishtixon tumani “Azamat” MFY hududidan o‘tgan avtomobil yo‘lida ko‘chani belgilanmagan joydan kesib o‘tayotgan piyodani urib yuborgan.

Oqibatda, piyoda og‘ir tan jarohatlari olib, voqea joyida halok bo‘lgan.

Hodisa sodir bo‘lgan mahallada YHXB mutasaddilari va aholi ishtirokida YTHlarning oldini olish bo‘yicha muhokama yig‘ilishi o‘tkazilgan.