Saida Mirziyoyevaning ma’rifiy diplomatiyasi: Al-Azhar nega O‘zbekistonga yuz tutmoqda?

Misr matbuotida yetakchi nashrlardan bo‘lgan «Al-Liwaa Al-Islami»ning birinchi sahifasida chop etilgan maqola zamirida katta strategik ahamiyat o‘rin egallagan. O‘zbekiston Prezidenti Administrasiyasi rahbari Saida Mirziyoyeva tashabbusi bilan O‘zbekiston hamda Al-Azhar o‘rtasidagi aloqalar yangi, strategik darajaga chiqdi.

🔠 Misr matbuotining diqqat markazida turgan bu voqea nafaqat tarixiy, balki yoshlarning kelajagi uchun ham ulkan ahamiyatga ega. Maqolada Shayx Ahmad at-Tayyib O‘zbekiston bilan hamkorlikni chuqurlashtirishga tayyorligini rasman bildirdi.

📔 Xorijiy ekspertlar O‘zbekistonning ekstremizmga qarshi kurashda "bostirish" emas, balki "ma’rifat va islohot" yo‘lini tanlaganini namuna deb bilmoqda. Al-Azhar aynan shu yondashuvni qo‘shma tadqiqotlar orqali rivojlantirmoqchi.

Tarixiy ildizlarni mustahkamlash maqsadida, o‘zbekistonlik talabalar uchun grantlar va kvotalarni kengaytirish masalasi tasdiqlandi. Bu, "Uchinchi Renessans"ning ma’naviy poydevorini mustahkamlashga xizmat qiladi.

Shuningdek, ulamolar va mutaxassislar o‘rtasida doimiy tajriba almashinuv mexanizmlari yo‘lga qo‘yiladi. Bu, ikki nufuzli markazning ilm-fan sohasidagi muammolarni birgalikda hal qilishga kirishganini anglatadi.

Bu xalqaro e’tirof Saida Mirziyoyevaning ijtimoiy-ma’rifiy faolligi xalqaro hamjamiyatda nechog‘liq ijobiy aks-sado berayotganini ko‘rsatadi. O‘zbekiston endi shunchaki turizm markazi emas, balki ma’rifiy islohotlarning xalqaro lideri sifatida tan olinmoqda.