16-17 fevral kunlari BAAning Dubay shahrida Butunjahon ayollar forumi bo‘lib o‘tmoqda.
Forumning ochilishi oldidan O‘zbekistonda gender tengligini ta’minlash komissiyasi a’zosi, Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi o‘rinbosari Saida Mirziyoyeva taassurotlari bilan bo‘lishdi.
“Dubayda bo‘lib o‘tayotgan Xalqaro ayollar Forumi ochilishi oldidan Jahon banki prezidenti Devid Malpass bilan suhbatlashib qoldik. U meni Ivanka Tramp bilan tanishtirdi.⠀
Tanishuv chog‘ida Ivankaning yonida turgan Xalqaro valyuta fondi boshqaruvchi direktori Kristalina Georgiyeva suhbatga qo‘shildi va O‘zbekiston Prezidentiga hurmati baland ekanini izhor qildi.⠀
Dubay amiri Shayx Muhammad bin Rashid Al Maktum Hazrati Oliylari va Manal bint Muhammad bin Rashid Al Maktum Zoti Oliyalariga taklif uchun minnatdorlik bildiraman” deydi Saida Mirziyoyeva.