"Menga nisbatan ta’qib va qamoqqa olinishim Ukrainadagi urush bilan bevosita bog‘liq ekani mutlaqo ayon", — dedi Gruziyaning sobiq prezidenti ukrain tilidagi murojaatida.
Saaakashvili Zelenskiydan, o‘zini “Gruziyaning rossiyaparast rejimi tomonidan noqonuniy ravishda ushlab turilgan Ukraina fuqarosi sifatida” Rossiya-Ukraina urushi doirasidagi fuqarolik asirlari ro‘yxatiga kiritishni so‘radi.
"Men bilaman, ukrainlar o‘z odamlarini tashlab ketmaydi va sizning ham shunday qilishingizni umid qilaman", — dedi Saaakashvili.
U bu murojaatini 12 noyabr kuni kasalxonadan qamoqxonaga ko‘chirilganidan keyin yo‘llagan.