Ruhiy salomatlik muammolari eng ko‘p uchraydigan davlatlarni bilasizmi?

So‘nggi yillarda dunyo jamiyatida ruhiy salomatlik masalalariga bo‘lgan munosabat sezilarli darajada o‘zgardi. Ilgari zaiflik belgisi sifatida qabul qilingan bunday holatlar endilikda tabu maqomini yo‘qotmoqda.

Pandemiya bu jarayonni jadallashtirdi. U ko‘plab odamlarda yolg‘izlik va ruhiy zo‘riqish hissini kuchaytirdi, natijada depressiya va xavotir belgilari ko‘paydi, shu bilan birga odamlar o‘z holati haqida ochiq so‘zlashishga moyil bo‘la boshladilar. Statista’ning 2023 yilgi so‘roviga ko‘ra, AQShda katta yoshdagi aholining 40 foizdan ortig‘i o‘tgan bir yil davomida stress, xavotir yoki depressiya kabi ruhiy holat buzilishlarini boshidan kechirganini bildirgan. Bu holat ruhiy salomatlik haqida ochiq muloqot olib borishning ahamiyati ortganini ko‘rsatadi.

Shu bilan birga, so‘rov natijalari turli davlatlarda katta farqlanishni namoyon etgan. Ayrim mamlakatlarda, jumladan Xitoy va Yaponiyada, odamlar bu haqda ochiq gapirishdan tiyilishlari yoki ayrim holatlarni ruhiy salomatlik muammosi sifatida qabul qilmasliklari qayd etilgan.