6 iyun tongida Rossiya tomonidan Ukraina poytaxti Kiyevga raketalar va dronlar yordamida kuchli hujum uyushtirildi. Hujum oqibatida kamida to‘rt kishi halok bo‘ldi, yana 20 nafar odam turli tan jarohatlari bilan jabrlandi.
Kiyev shahar meri Vitaliy Klichko Telegram orqali ma’lum qilishicha, halok bo‘lganlar soni to‘rt nafarga yetgan. Uning so‘zlariga ko‘ra, shaharning bir nechta tumanlarida qidiruv-qutqaruv ishlari davom etmoqda. Jabrlanganlardan 16 nafari shifoxonaga yotqizilgani ma’lum qilindi.
Shahar harbiy ma’muriyatiga ko‘ra, hujumlar natijasida Kiyev metrosiga ham shikast yetgan. Transport tizimi vaqtincha ishdan to‘xtatilgan. Shuningdek, turli tumanlarda turarjoy binolarida yong‘inlar kelib chiqqan.
Reuters agentligining xabar berishicha, hujum paytida osmonda uchib o‘tayotgan Rossiyaning «kamikadze» dronlari va ularga qarshi ishlatilgan Ukraina havo mudofaa tizimi o‘q-dorilarining ovozi eshitilgan.
Rossiya hujumi Ukraina tomonidan Rossiyaning bombardimonchi samolyotlariga qaratilgan zarbalarga javob tariqasida amalga oshirilgani aytilmoqda. Ukraina tomoni hozircha bu haqda rasmiy izoh bermadi.
Dahshat! Vafot etgan 88 yoshli ayol tobutda hushiga keldi
BAA bosh murabbiyi muxlislarga murojaat bilan chiqdi
Hindiston cho‘kib ketmoqda - yarim milliondan ortiq qurbonlar
