10 sentyabrga o‘tar kechasi Rossiyaning Ukrainaga ommaviy hujumi chog‘ida Polsha "Rejadan tashqari harbiy harakatlar" tufayli "Jeshuv-Yasenka", "Lyublin" xalqaro aeroportlari va Varshavadagi ikkala aeroportni ham yopdi.
Bu haqda aviasiya xodimlarining (NOTAM) tezkor xabarida aytilgan.
Buning sababi, departamentning ta’kidlashicha, "milliy xavfsizlikni ta’minlash bilan bog‘liq rejadan tashqari harbiy harakatlar".
Polsha qurolli kuchlarining tezkor qo‘mondonligi X ijtimoiy tarmog‘ida havo hududi himoyasini ta’minlash uchun “barcha zarur tartib-qoidalarni faollashtirgani” haqida ma’lum qildi. Ma’lumotlarga ko‘ra, havoga nafaqat polshalik qiruvchi samolyotlar, balki NATOning boshqa mamlakatlari samolyotlari ham ko‘tarilgan. Bundan tashqari, quruqlikdagi havo hujumidan mudofaa kuchlari yuqori shay holatga keltirildi.
Qayd etish joizki, "Jeshuv-Yasenka" aeroporti Ukrainaga G‘arb yordamini o‘tkazish uchun asosiy logistika markazi hisoblanadi.
"UzAuto Motors" 8 ta yangi model chiqarmoqchi
"Ukraina uch qismga parchalanadi..."
"Dollardan voz kechish jarayoni ketmoqda"
