«Lokomotiv»ning sobiq futbolchisi Dmitriy Sichyov O‘zbekiston terma jamoasi bo‘lajak 2026 yilgi jahon chempionatida pley-off bosqichiga chiqa olishi mumkinligi haqidagi savolga javob berdi.
«Menga barchasining iloji bordek tuyulmoqda. O‘ylashimcha, ular guruhdan chiqish uchun kurashishadi — balki birinchi o‘rin bilan emasdir, lekin ikkinchi yoki uchinchi o‘rin uchun aniq harakat qilishadi», — deya Sichevning so‘zlarini keltirmoqda «Metaratings» nashri.
Shu bilan birga, ekspert bu yerda ko‘p narsa O‘zbekistonning guruhdagi asosiy yetakchiga qarshi kechadigan o‘yini natijasiga bog‘liq bo‘lishini ta’kidladi. Qur’a natijalariga ko‘ra, Fabio Kannavaro shogirdlari K guruhida DR Kongo, Kolumbiya va Portugaliya terma jamoalari bilan kuch sinashadi.
Ta’kidlash joizki, AQSH, Kanada va Meksikada bo‘lib o‘tadigan navbatdagi jahon chempionati O‘zbekiston uchun debyut hisoblanadi. Turnir 11 iyun kuni Meksika va Janubiy Afrika o‘rtasidagi o‘yin bilan start oladi.
Jahon chempionatining eng qimmat terma jamoalari reytingi e’lon qilindi
«Oltin to‘p»ga da’vogarlar: Goal JCh oldidan reytingini yangiladi
«Barselona» yulduz futbolchisidan ko‘ngli qoldi va uni sotishga qaror qildi
