Polsha terma jamoasi JCH-2022 saralash o‘yinlarida 24 mart kuni Moskvada Rossiya terma jamoasiga qarshi o‘ynashi kerak edi. Ammo Przeglad Sportowy nashrining yozishicha, Polsha Rossiyaga qarshi o‘ynamaydi va to‘g‘ridan-to‘g‘ri JCH-2022 saralashining finaliga chiqadi.
Manbaga ko‘ra, Xalqaro futbol federasiyasi (FIFA) o‘z qarorini 4 mart kuni e’lon qiladi.
Tashkilot Rossiya terma jamoasi xalqaro musobaqalardan chetlatilganidan keyin yuzaga kelgan muammoni hal qilishning bir nechta variantlarini ko‘rib chiqdi, ular orasida Polsha, Chexiya va Shvesiya jamoalari o‘rtasida mini-turnir o‘tkazish varianti ham bor edi, ammo buni amalga oshirish qiyin.
