Irkutskdagi o‘latga qarshi kurash instituti xodimi Darya Shipilova 2 oktyabr kuni o‘pka o‘latidan vafot etdi.
Shundan so‘ng shaharda bir nechta shifoxona karantinga yopildi, 200 ga yaqin kishi izolyasiya qilindi yoki tibbiy nazoratga olindi.
Axios xabar berishicha, AQSh prezidenti Donald Tramp ma’muriyati vaziyat rivojini diqqat bilan kuzatmoqda.
O‘pka o‘lati havo-tomchi yo‘li orqali yuqishi mumkin va epidemiologik jihatdan katta xavf tug‘diradi. Vashingtonni koronavirus pandemiyasiga o‘xshash jihatlar ham xavotirga solayotgan bo‘lishi mumkin: kasallik manbasi hozircha aniq emas.
Shipilova kasallikni dala tadqiqotlari vaqtida yoki laboratoriyada yuqtirgani ma’lum qilinmagan. Rasmiylar hodisa tafsilotlarini oshkor qilmagan, ammo hozirgacha keyingi yuqish holatlari qayd etilmaganini bildirgan.
XIV asrdagi o‘lat epidemiyasi Yevropada 50 milliongacha insonning hayotiga zomin bo‘lgan. Bugungi kunda ham o‘pka o‘lati o‘z vaqtida davolanmasa, o‘limga olib kelishi mumkin.
MrBeast: “O‘zbekistonda muxlislarim shu qadar ko‘pki, balki ketishimizga to‘g‘ri kelar”
Germaniya Rossiya bilan dizel yoqilg‘isi yetkazib berish bo‘yicha kelishuv tuzishni taklif qildi
AQSh Rossiya neftni qayta ishlash zavodlariga qilingan zarbalar tufayli Ukrainaga qurol yetkazib berishni to‘xtatish bilan tahdid qilmoqda
