Rossiyada SnapChat ilovasi bloklandi

Roskomnadzor Rossiyada SnapChat xizmatini blokladi, deb xabar beradi RIA Novosti.

— Jamoatchilik aloqa tarmoqlarini markazlashtirilgan boshqarish qoidalariga muvofiq, Roskomnadzor 2025 yil 10 oktyabrda xizmatni bloklash choralarini ko‘rdi, — deb yozadi nashr.

Agentlik messenjer terrorchilik harakatlarini tashkil qilish va jinoyatchilarni yollash, shuningdek, rossiyaliklarga qarshi firibgarlik va boshqa jinoyatlarni sodir etish uchun ishlatilishini ta’kidladi.

Roskomnadzor ilgari Applening FaceTime videokonferensiya xizmatiga cheklovlar qo‘ygan edi.

Davlat Dumasining Axborot siyosati, texnologiyalari va kommunikasiyalari qo‘mitasi a’zosi Anton Nemkin bu qaror asosli ekanligini, chunki fuqarolarni himoya qilish asosiy vazifa ekanligini aytdi. Uning ta’kidlashicha, ko‘plab xalqaro kompaniyalar qonuniy talablarni e’tiborsiz qoldiradilar, shuning uchun yagona yo‘l jinoyatchilarning aloqa kanallarini yopish va cheklashdir.