Rossiya Federasiyasi hududida Google, Android va iOS dasturlari bloklanishi mumkin. Bu haqda Rossiya Davlat dumasi deputati Aleksey Didenko bergan ma’lumotga tayanib, «Lenta.ru» nashri xabar berdi.
Aytilishicha, ushbu platformalar ma’lumotlarni qayta ishlash va to‘plash funksiyalariga ega ekanligini bois rasmiylar ularga taqiq qo‘yishga chaqirgan. Deputatlarning bir guruhi Google, Android va iOSga muqobil platformalardan foydalanishni tavsiya qilgan.
Deputat Didenko platformalarni bloklash tashabbusi duma vakillari talabi bilan emas balki vaziyat taqozosi bilan amalga oshirilishini bildirgan.
Hukumat ma’lumotlar oqimini nazorat qilish hamda shaxsiy ma’lumotlarni muhofaza qilish uchun shunday yo‘l tutishga majbur bo‘lgan.
«Bu bizning tashabbusimiz bilan sodir bo‘lmayapti. Davlat xizmatchilari va mansabdor shaxslarga ushbu platformalardan, ayniqsa, maxfiy ma’lumotlarga kirish huquqiga ega bo‘lgan dasturlardan foydalanish amalda uzoq vaqtdan beri taqiqlangan. Shu boisdan ham endi foydalanuvchilar boshqa muqobil platformalardan foydalanishiga to‘g‘ri keladi», dedi Aleksey Didenko.
Deputat xalqaro platforma va dasturlarning Rossiyada bloklanishi mamlakat aholisi uchun fojia emasligini aytgan. Bunga misol sifatida 2022 yilda Rossiya hududida Netflix faoliyati to‘xtagani, biroq uning analoglari faollashgani keltirilgan.
Shuningdek, Aleksey Didenko Google, Android va iOS aynan qanday ma’lumotlarga tahdid solayotganini aniq aytmagan. Ushbu kompaniyalarga qachon va qancha muddatga cheklov kiritilishi ham ochiqlanmagan.
RF uchun yana bir “bosh og‘riq” paydo bo‘ldi
Daniya AQSh tajovuzi bo‘lsa, Rossiyaga murojaat qilishni taklif qildi
Moskva AQShga "javob" va’da qilmoqda
