Rossiyada 1 sentyabrdan boshlab dorixonalar uchun yangi qoida joriy qilinadi

1 sentyabrdan boshlab, agar farmasevtlar dorixonalarda xaridorlarga dori-darmonlarning arzonroq analoglari haqida ma’lumot bermasa, ularga 100 mingdan 200 ming rublgacha ma’muriy jarima solinishi mumkin. Bu haqda TASS agentligiga O.E. Kutafin nomidagi Moskva davlat yuridik universiteti tibbiy huquq kafedrasi dosenti Aleksey Kubishkin ma’lum qildi.

Ma’muriy jarima miqdori 100 mingdan 200 ming rublgacha bo‘lishi mumkin

“2025 yil 29 apreldagi №259 Rossiya Sog‘liqni saqlash vazirligining buyrug‘i bilan tasdiqlangan, tibbiy qo‘llanish uchun mo‘ljallangan dori vositalari dorixona amaliyotining tegishli qoidalari 15-bandiga muvofiq, dorixona xodimlari yoki boshqa dori vositalari chakana savdo sub’ektlari o‘z vazifalariga ko‘ra xaridorlarga arzon dorilarning borligi haqida ma’lumot berishi shart”, – dedi huquqshunos.

U 2011 yil 21 noyabrdagi №323-FZ «Rossiya Federasiyasida fuqarolarning sog‘lig‘ini saqlash asoslari to‘g‘risida»gi Federal qonunning 74-moddasi 2-qismi 4-bandchasida farmasevtlar va dorixona tashkilotlari rahbarlari arzon dorilar yoki tibbiy buyumlar mavjudligini yashirishga haqqi yo‘qligi avvaldan ko‘rsatilganini eslatdi. Biroq, yangi norma ushbu talabni yanada aniqlaydi.

“Bunday aniqlik qonunchilikdagi noaniqlikni bartaraf etish uchun zarur. Bu talabning amalda ijro etilishi uchun, dorixona rahbarlari o‘z xodimlarining tegishli malaka ko‘nikmalarini rivojlantirish va nazorat qilishga majbur. Shuningdek, Ma’muriy huquqbuzarliklar to‘g‘risidagi kodeksning (MHTK) 14.1-moddasi 4-qismiga muvofiq, 100-200 ming rubl miqdorida jarima solish imkoniyati nazarda tutilgan”, – dedi Kubishkin.

Uning ta’kidashicha, bu norma fuqarolarning qulay dori-darmon bilan ta’minlanish huquqini saqlash uchun zarur, ayniqsa, fuqarolarning moliyaviy holatini hisobga olgan holda. Shu bilan birga, yangi qoidalardagi aniqlashtirish farmasevtik kompaniyalar va dorixonalar uchun moliyaviy tavakkalchilikni sezilarli oshirmaydi.