Rossiya ushbu dahshatli bombalarni Ukrainaga birinchi marta tashlamoqda

Rossiya 120 kmgacha masofaga ega yangi Grom-E1 KAB'laridan foydalanmoqda.

Telegraph ma’lumotiga ko‘ra, Rossiya Harbiy-havo kuchlari o‘rnatilgan raketa dvigateli tufayli 100 kilometrdan ortiq masofani uchib o‘ta oladigan yangi 600 kilogrammlik boshqariladigan bombalarni faol qo‘llashni boshladi. Grom-E1 bombalari Su-30 va Su-34 samolyotlariga Ukrainaning aksariyat havo mudofaa tizimlari, shu jumladan AMRAAM raketalari bilan jihozlangan F-16 qiruvchilarining yetib borish doirasidan tashqarida qolib, zarba berish imkonini bermoqda.

Grom-E1 allaqachon Mirnograd va Xersondagi maktab va ko‘p qavatli uyga, shuningdek, Xarkovdagi tibbiyot muassasasiga hujum qilish uchun ishlatilgan. Yagona tasalli - bunday KAB soni cheklangan, Kreml hali ommaviy ishlab chiqarishni yo‘lga qo‘ymagan.