“Meduza” nashrining xabar berishicha, Rossiyaning Rostov-Don shahri, Oktyabrskiy tumani sudi bir erkakni ma’muriy javobgarlikka tortdi. U “VKontakte” ijtimoiy tarmog‘ida “Tolibon” haqidagi post ostida haqoratli izoh qoldirgan. Sud buni “nafrat uyg‘otish” deb baholadi.
“Ostorojno, novosti” Telegram kanalining yozishicha, bu shaxs 19 yoshli Yegor A. hisoblanadi. “VKontakte” tarmog‘idagi postda "Afg‘onistondagi “Tolibon” Rossiyani anor, mayiz, Coca-Cola, gilamlar va paxta bilan to‘ldiradi", deb yozilgan edi. Yegor A. uning ostiga:
"G‘orliklarning Rossiyada nima ishi bor?", degan mazmunda haqoratli izoh yozgan.
Sud ushbu izohni Rossiya va Afg‘oniston xalqlari o‘rtasida nafrat yoki adovat uyg‘otadi deb topdi. Shuningdek, Yegor A. migrantlar haqida yozgan yana ikkita izohi uchun ham ayblandi. Sud qarorida aytilishicha, sudlanuvchi o‘z aybiga iqror bo‘lgan va pushaymonligini bildirgan. Unga 10 ming rubl miqdorida jarima solindi.
2021 yilda Afg‘onistonda hokimiyatga kelgan “Tolibon” harakati Rossiyada taqiqlangan va terroristik tashkilotlar ro‘yxatiga kiritilgan edi. Biroq 2024 yil dekabr oyida Rossiya Davlat Dumasi uni ushbu ro‘yxatdan chiqarish to‘g‘risida qonun qabul qildi. 2025 yil aprel oyida esa Rossiya Oliy sudi “Tolibon”ni terroristik tashkilotlar ro‘yxatidan butunlay chiqardi.
47°C issiqlikda tong ham, tun ham yo‘q: Hindistonning eng issiq hududida bir kun
Timmi ismli kit bioyoqilg‘iga aylanadi
Andijonda IIB xodimi voyaga yetmagan shaxsning nomusiga tekkanligi aytilmoqda. Gumonlanuvchi 2004 yilgi Olimpiada bronza medali sohibi(?)
