ISW hisob-kitoblariga ko‘ra, Rossiya kuchlari sentyabr oyida 1 301 kvadrat kilometr hududni egallamagan. Aksincha, Rossiya qo‘shinlarining sof hududiy yo‘qotishlari 80,81 kvadrat kilometrni tashkil etgan. Rossiya harbiylarining vaqtincha kirib, keyinchalik nazoratni o‘rnata olmagan hududlari ham hisobga olinsa, yo‘qotishlar 175,18 kvadrat kilometrga yetgan.
Putin 1 oktyabr kuni «Valday» xalqaro munozara klubida Rossiya qo‘shinlari so‘nggi bir oyda avvalgi oyga qaraganda 3,5 baravar ko‘proq hududni egallaganini bildirgan edi.
ISW ekspertlari esa Rossiya qo‘shinlarining front bo‘ylab jadal ilgarilayotgani haqidagi bunday bayonotlar real vaziyatni aks ettirmasligini ta’kidlagan. Institut, shuningdek, Putin keltirayotgan raqamlarning qanchalik asosli ekanini aniq baholash qiyinligini qayd etgan.
ISW ma’lumotlariga ko‘ra, Rossiya hozir Donesk viloyatining qariyb 81 foizini nazorat qilmoqda. Putin esa bu ko‘rsatkich 89 foiz ekanini aytgan.
Nega Isroil O‘zbekistonga qiziqib qoldi?
Ayiq ovlaganlarga pul mukofoti va’da qilindi
Aeroportda yangi tug‘ilgan chaqaloq va uning onasi vafot etdi
