Rossiya-NATO kengashi bekor qilinadi

Rossiya-NATO kengashi tugatiladi.

Bu haqda Polsha tashqi ishlar vaziri Radoslav Sikorskiy alyans tashqi ishlar vazirlarining Bryusseldagi yig‘ilishi yakunlari bo‘yicha jurnalistlarga ma’lum qildi.

"Rasmiy qarorlar orasida men Bosh kotib Mark Ryuttening Rossiya-NATO kengashi endi mavjud emasligi haqidagi bayonotini ta’kidlamoqchiman. Rossiya-NATO kengashi va Rossiya-NATO ta’sis to‘g‘risidagi qonun endi mavjud emas", dedi Sikorskiy TVP Info telekanali orqali efirga uzatilgan matbuot anjumanida.

Rossiya va NATO o‘rtasidagi munosabatlar 1990 yillar boshida o‘rnatilgan. 1997 yilda tomonlar bir-birlarini dushman sifatida ko‘rmasliklarini tasdiqlovchi va maslahatlashuv mexanizmini o‘rnatgan Ta’sis aktini imzoladilar. 2002 yilda Rossiya-NATO kengashi tuzildi.

2014 yilgacha Rossiya va NATO terrorizm, giyohvand moddalar savdosi va qaroqchilikka qarshi kurashda hamkorlik qilib kelgan. Rossiyaning Ukrainaga keng ko‘lamli bostirib kirishi ortidan alyans hamkorlikni muzlatib qo‘ydi.