Rossiya Mudofaa vazirligi binosida FSB kontrrazvedkasi xodimi otib o‘ldirildi

Moskva markazida FSB kontrrazvedka bo‘limi xodimi Vladimir Feshchenko otib o‘ldirildi, deb yozadi Rossiya OAVlari.

Mudofaa vazirligi binolaridan birida “ikki erkak o‘rtasidagi janjal natijasida” qotillik sodir bo‘ldi. “Tekshiruv davomida uning boshidan o‘q jarohati borligi aniqlandi. Qotillikka harbiy kishi bilan bo‘lgan maishiy mojaro sabab bo‘lgan”, — deb yozadi OAV.

Gumonlanuvchi qo‘lga olingan. Qotillik moddasi bo‘yicha jinoiy ish ochilgan. Ko‘rib chiqilayotgan versiyaga ko‘ra, bu beparvolik tufayli sodir bo‘lgan.

"VCHK-OGPU" manbasiga ko‘ra, Feshchenko 13 yanvarga o‘tar kechasi Olxovskaya ko‘chasidagi idora binosida otib tashlangan. U yerda Mudofaa vazirligining turli tuzilmalari, jumladan, temir yo‘l qo‘shinlari qo‘mondonligi, shuningdek, FSBning Moskva harbiy okrugi boshqarmasi joylashgan. Telegram-kanal suhbatdoshi FSB katta leytenanti o‘limidan oldingi voqealar haqida gapirdi. Uning gapiga qaraganda, Feshchenko bir vaqtlar Uzoq Sharqda birga xizmat qilgan praporshchikni o‘z bo‘limiga olib kelgan. "Feshenko do‘sti bilan vaqt o‘tkazishga qaror qildi va qarindoshlariga kechikishini aytdi." Keyinchalik starleyni ish joyida o‘lik holda topishdi: "u qonga belangan, peshonasida chuqur yara bor edi." Qotilni izidan ushlab olishgan, u aybiga iqror bo‘lgan, deb tasdiqlaydi manba.