"Inter Mayami"ning Lionel Messi bilan tuzgan yangi shartnomasi argentinalik futbolchiga joriy yil oxirida Yevropada o‘ynash imkoniyatini berishi mumkin.
SB Nation ma’lumotlariga ko‘ra, Inter Mayami o‘zining yulduz futbolchisi Lionel Messiga yangi shartnoma taklif qilishga tayyor, uning amaldagi shartnomasi 2025-yilda tugaydi. Yangi shartnomada argentinalik yulduzga MLS 2025-yilgi mavsumi tugaganidan keyin Yevropada o‘ynash imkonini beradigan variant mavjud bo‘ladi.
MLS mavsumi fevralda boshlanib, dekabrda yakunlanadi. Yangi shartnomaning shartlariga ko‘ra, Messi 2026-yil yozida Shimoliy Amerikada o‘tkaziladigan Jahon chempionatida Argentina terma jamoasi bilan chempionlik unvonini himoya qilishga tayyorgarlik ko‘rish maqsadida, dekabrdan so‘ng Yevropa klubiga ijara asosida o‘tishi mumkin bo‘ladi. Biroq, 37 yoshli futbolchi hali yangi shartnomaga imzo chekmagani kabi, agar bunday band kiritilsa, qaysi Yevropa klubini tanlashni ham hal qilmagan.
O‘tmishda bir nechta eng yaxshi yulduzlar bunday imkoniyatdan foydalanganlar. Tiyerri Anri "Arsenal"ga Nyu-York Red Bullsda o‘ynab, ijara asosida qo‘shilgan, Devid Bekxem va Zlatan Ibrohimovich esa "LA Galaxy" da ishlaganida "Milan" bilan qisqa muddatli shartnomalar imzolagan.
Rossiyada o‘lganlar soni rekordmi?
Alisher Qodirov Qonunga qarshi ovoz bergan hamkasblariga murojaat qildi: “Iste’molchining 3 tadan 2 tasi yoshlar. Yarmi qizlar”
Menga qancha pensiya chiqar ekan? yoki bo‘lajak pensionerlarga tavsiyalar
