Rossiya media delegasiyasi Islom sivilizasiyasi markazini jahon darajasidagi noyob muzey deya e’tirof etdi

III O‘zbekiston–Rossiya mediaforumi ishtirokchilari Toshkentdagi Islom sivilizasiyasi markaziga tashrif buyurdi.

Rossiya Federasiyasi Prezidenti Administrasiyasining strategik sheriklik va hamkorlik boshqarmasi boshlig‘i Vadim Titov markaz haqida shunday dedi:

“Bu haqiqatan ham noyob muzey, fan va madaniyatning betakror maskanidir. Markaz dunyoning turli nuqtalaridan kelayotgan insonlarni o‘ziga jalb etadigan joyga aylanmoqda. O‘zbekistonning ilm-fan, san’at va madaniyat sohalaridagi boy merosi jahon sivilizasiyasi xazinasini yanada boyitadi”.