Rossiya Markaziy Osiyo davlatlari bilan ikkinchi sammitga tayyorgarlik ko‘rmoqda

Bu haqda Rossiya tashqi ishlar vaziri Sergey Lavrov xabar berdi. Unga ko‘ra, Markaziy Osiyoda ta’sir o‘rnatish uchun dunyoning turli kuchli o‘yinchilari o‘rtasida kurash ketmoqda.

«Albatta, biz bir necha yil oldin tashkil etgan “Markaziy Osiyo + Rossiya” formati mavjud. Birinchi sammit va bir qancha vazirlar darajasidagi uchrashuvlar o‘tkazildi. Hozirda biz yaqin istiqbolda bo‘lib o‘tadigan ikkinchi oliy darajadagi uchrashuvga tayyorgarlik ko‘rmoqdamiz», dedi u.