Bloomberg agentligining yozishicha, mamlakat dengiz orqali yetkazib beriladigan xom neft hajmini rekord darajadagi sutkasiga 4,13 million barrelgacha oshirdi (28 iyungacha bo‘lgan 4 haftalik davr). Dengizdagi neft hajmi 133 million barrelgacha o‘sdi (aprel o‘rtalariga nisbatan +34%), Mersa-el-Hamra (Misr) yaqinida va Riau (Singapur) hududida tirbandliklar hosil bo‘lmoqda.
Shu bilan birga, eksportning yalpi qiymati narxlar o‘sishni boshlagan mart oyidan buyon eng past darajaga tushdi. Boltiq va Qora dengizdagi Urals nefti barreliga taxminan 63 dollarni, ESPO esa 74 dollarni tashkil etmoqda. Boltiq dengizidagi narxlar hozirda may oyi boshiga nisbatan ikki barobar past.
Agentlikning qayd etishicha, Ukrainaning neftni qayta ishlash zavodlariga (Ufa, Yaroslavl, Slavyansk-na-Kubani, Moskva) bergan zarbalari xom ashyoni eksportga yo‘naltirishga majbur qildi. Osiyoga yetkazib berish sutkasiga 3,98 million barrelga yetdi; shundan Xitoyga 1,08 million barrel, Hindistonga 0,74 million barrel, yana 2,13 million barrel esa yakuniy manzili noma’lum holda jo‘natilgan.
Bloomberg’ning fikricha, Xitoy talabining sustligi fonida Moskva katta chegirmalar berishga majbur bo‘lishi mumkin.
O‘n yildan so‘ng pulning ahamiyati deyarli qolmaydi
1 avgustdan avtomobillar uchun gaz bepul bo‘ladi
Rossiyada migrantlarni deportasiya qilish uchun asoslar kengaytirildi
