Rossiya e’lon qilgan sulh 8 va 9 may kunlari amal qiladi — Kreml

Bu yil 9 may arafasida, ancha
murakkab operativ vaziyatni hisobga olgan holda, qo‘shimcha xavfsizlik choralari ko‘rilmoqda, dedi Dmitriy Peskov.

Uning so‘zlariga ko‘ra, Kreml mobil aloqaning o‘chirilishi sababli biznes uchun qo‘llab-quvvatlash va kompensasiya choralarini ko‘rib chiqmayapti.

"Bilasizmi, amaldagi qonun doirasida zarur choralar ko‘rilmoqda. Ular fuqarolar xavfsizligini ta’minlash uchun kerak va bu mutlaq ustuvor vazifadir. Shuningdek, yaqinda hukumat a’zolari bilan o‘tgan yig‘ilishlardan birida davlat rahbari aholini tegishli ravishda xabardor qilish zarurligiga e’tibor qaratgan edi. Aholini xabardor qilish va hayot faoliyati uchun muhim bo‘lgan tizimlar ishlashini ta’minlash lozim", – deya qo‘shimcha qildi u.

Rossiya prezidenti matbuot kotibining brifingdagi boshqa bayonotlari:

— Moskvada "O‘lmas polk" aksiyasi elektron formatda o‘tkaziladi;

— Prezident Vladimir Putinning xavfsizligini ta’minlash uchun butun dunyodagi har bir davlat rahbariga nisbatan qo‘llaniladigan choralar kabi tegishli xavfsizlik choralari ko‘rilmoqda.