Stoltenbergga ko‘ra, NATO Rossiya bosqinining oldini olish uchun ko‘proq harakat qilishi mumkin edi.
G‘arb harbiy alyansining iste’foga chiqayotga rahbari shanba kuni e’lon qilingan intervyusida NATO 2022 yilda Rossiya bosqinidan oldin hujumning oldini olish uchun Ukrainani qurol-yarog‘ bilan ta’minlashi mumkin edi, dedi.
NATO Bosh kotibi Yens Stoltenberg Germaniyaning Frankfurter Allgemeine Sonntagszeitung haftalik gazetasiga bergan intervyusida: «Hozir biz urushni harbiy aslahalar bilan ta’minlayapmiz. Urushning oldini olish uchun harbiy vositalar bilan ta’minlashimiz ham mumkin edi» dedi.
Stoltenbergning aytishicha, NATO Rossiya bilan ziddiyat kuchayishidan xavotirda Kiyevga o‘shanda so‘ragan qurollarni berishni istamagan.
U, shuningdek, urushni tugatish uchun faqat muzokaralar muvaffaqiyat qozonishini aytdi.
«Urushni tugatish uchun ma’lum bir bosqichda Rossiya bilan yana muloqot bo‘lishi kerak», - dedi u.
Stoltenberg ushbu lavozimda 10 yil ishlaganidan so‘ng, oktyabr oyida NATOdagi vazifasidan ketadi. Uning o‘rnini Gollandiyaning sobiq bosh vaziri Mark Ryutte egallaydi.
O‘zbekistonga yana qorli sovuq havo kirib kelmoqda
Suriyaliklar pul to‘la qoplar bilan banklarga bostirib kirishmoqda
Saudiya Arabistoni xazina topdi, neft konlarida «oq oltin» aniqlandi
