Ronaldu nima uchun 1000 ta gol urishni istashini aytdi

"An-Nasr" hujumchisi Krishtianu Ronaldu nega hali faoliyatini yakunlashga shoshilmayotganini tushuntirdi.

Seshanba kuni 40 yoshli futbolchi Portugaliya terma jamoasidagi 22 yillik faoliyati uchun beriladigan Globo Prestígio mukofotiga sazovor bo‘ldi.

«Odamlar, ayniqsa oilam, shunday deyishadi: “Endi to‘xta, sen barchasiga erishding. Nima uchun mingta gol urishni xohlaysan?” Ammo men bunday o‘ylamayman. Menimcha, hali ham yaxshi o‘ynayapman, klubim va terma jamoamga yordam beryapman. U holda, nega davom etmaslik kerak?

Faoliyatim tugaganda, men o‘zimni qoniqqan holda tark etishga ishonchim komil, chunki qo‘limdan kelgan barcha ishni qildim. Bilaman, menga ko‘p yil qolmagan, ammo bu yillardan zavq olishga harakat qilyapman», — dedi Ronaldu.