«An-Nasr» hujumchisi Krishtianu Ronaldu Saudiya Arabistoni Pro-Ligasining 31-turida «Al-Qodisiya»ga qarshi uchrashuvdagi (1:3) mag‘lubiyatdan so‘ng o‘z fikrlari bilan o‘rtoqlashdi. Ushbu bahsda 41 yoshli forvard maydonda 90 daqiqa harakat qildi, biroq samarali harakatlar qayd eta olmadi.
«Bir maqsad. Ishlashda davom etamiz. Birgalikda», — deb yozdi Ronaldu X ijtimoiy tarmog‘idagi sahifasida.
Shu tariqa, portugaliyalik futbolchining jamoasi mamlakat chempionatidagi 16 ta o‘yindan iborat g‘alabali seriyasiga chek qo‘ydi. «An-Nasr» shunga qaramay, 31 ta uchrashuvdan keyin 79 ochko bilan turnir jadvalida peshqadamlikni saqlab qolmoqda. Ikkinchi o‘rinda borayotgan va bir o‘yin zaxirasiga ega «Al-Hilol»dan farq 5 ochkoni tashkil etadi.
Ma’lumot uchun, Ronaldu 2023 yildan buyon «An-Nasr» sharafini himoya qilib kelmoqda. Joriy mavsumda u barcha musobaqalarda 33 ta o‘yinda ishtirok etib, 27 ta gol va 4 ta assist qayd etgan.
Abduqodir Husanov uchun katta mablag‘ sarflashga tayyor grand jamoa paydo bo‘ldi
Mbappe jarohatini davolash o‘rniga aktrisa bilan hordiq chiqarmoqda. Klub fanatlari jiddiy norozilik bildirmoqda
Abduqodir Husanov "Olimpiya shaharchasi"dagi infratuzilma bilan tanishdi
