«Ан-Наср» ҳужумчиси Криштиану Роналду Саудия Арабистони Про-Лигасининг 31-турида «Ал-Қодисия»га қарши учрашувдаги (1:3) мағлубиятдан сўнг ўз фикрлари билан ўртоқлашди. Ушбу баҳсда 41 ёшли форвард майдонда 90 дақиқа ҳаракат қилди, бироқ самарали ҳаракатлар қайд эта олмади.
«Бир мақсад. Ишлашда давом этамиз. Биргаликда», — деб ёзди Роналду X ижтимоий тармоғидаги саҳифасида.
Шу тариқа, португалиялик футболчининг жамоаси мамлакат чемпионатидаги 16 та ўйиндан иборат ғалабали сериясига чек қўйди. «Ан-Наср» шунга қарамай, 31 та учрашувдан кейин 79 очко билан турнир жадвалида пешқадамликни сақлаб қолмоқда. Иккинчи ўринда бораётган ва бир ўйин захирасига эга «Ал-Ҳилол»дан фарқ 5 очкони ташкил этади.
Маълумот учун, Роналду 2023 йилдан буён «Ан-Наср» шарафини ҳимоя қилиб келмоқда. Жорий мавсумда у барча мусобақаларда 33 та ўйинда иштирок этиб, 27 та гол ва 4 та ассист қайд этган.
Абдуқодир Ҳусанов учун катта маблағ сарфлашга тайёр гранд жамоа пайдо бўлди
Мбаппе жароҳатини даволаш ўрнига актриса билан ҳордиқ чиқармоқда. Клуб фанатлари жиддий норозилик билдирмоқда
Абдуқодир Ҳусанов "Олимпия шаҳарчаси"даги инфратузилма билан танишди
