Rimdagi portlashda jarohatlanganlar soni 45 kishiga yetdi (video)

Rimdagi yoqilg‘i quyish shoxobchasida yuz bergan kuchli portlashda jabrlanganlar soni 45 kishiga yetdi, ikki kishi og‘ir ahvolda kasalxonada.

Bu haqda Rainews24 telekanali xabar berdi.

Avvalroq Italiya poytaxti meri Roberto Gualtyeri 30 ga yaqin jarohatlangani haqida xabar bergan edi. Portlash polisiya va o‘t o‘chiruvchilar avvalroq kelgan yong‘indan keyin sodir bo‘lgan. Ularning harakatlari katta fojianing oldini olishga imkon berdi.

Telekanal ma’lumotlariga ko‘ra, jabrlangan 45 kishidan 24 nafari oddiy fuqarolar, 11 nafari polisiyachi. O‘t o‘chiruvchilar, karabineri va qutqaruv xizmati xodimlari ham jarohatlangan.

Kuchli portlashdan keyin shovqin shaharning barcha atroflari, shu jumladan markaziy kvartallar aholisiga ham eshitildi. O‘t o‘chiruvchilarning so‘zlariga ko‘ra, stansiyada gaz alangalangan: portlash quvur yorilib ketganidan so‘ng sodir bo‘lgan, u orqali yoqilg‘i sisternadan yoqilg‘i quyish shoxobchasi baklariga yetkazib berilgan. Yoqilg‘i quyish shoxobchasini o‘rab turgan uylarning jabhalari shikastlangan, yaqin atrofdagi tennis korti esa katta zarar ko‘rgan.

Agi axborot agentligiga tayanib, Rim sog‘liqni saqlash boshqarmasi ma’lumotlariga ko‘ra, og‘ir jarohatlanganlardan ikki nafari nafas olish apparatida va shifokorlar hayotlari uchun kurashmoqda.