Rheinmetall Ukrainaga yangi zavoddan snaryadlar yetkazib berishni boshladi

Mudofaa kompaniyasi xabariga ko‘ra, Rheinmetall birinchi marta Unterlyussdagi yangi zavoddan Ukrainaga artilleriya snaryadlarini yetkazib berdi.

«Rheinmetall birinchi marta Unterlyussdagi zavoddan Ukrainaga artilleriya snaryadlarini yetkazib bermoqda. Bungacha yetkazib berishlar Rheinmetall'ning boshqa ishlab chiqarish maydonchalaridan amalga oshirilgan», — deyiladi «RIA Novosti» keltirgan matbuot relizida.

Kompaniya ma’lumotlariga ko‘ra, yetkazib berilgan snaryadlarning asosiy qismi RH1412 rusumidagi o‘q-dorilar bo‘lib, ular 155 mm kalibrli turli tizimlarda ishlatilishi mumkin.