«Real»ning yana bir himoyachisi jarohat olib, 2-3 haftaga safdan chiqdi

«Real» himoyachisi David Alaba jarohat olib yana safdan chiqdi.

«Real» klub matbuot xizmati xabariga ko‘ra, tibbiy tekshiruvlar avstriyalik himoyachining son mushaklari shikastlanganini ko‘rsatgan.

Jurnalist Xose Luis Sanches xabariga ko‘ra, Alaba 2-3 haftaga safdan chiqqan.

Eslatib o‘tamiz, Alaba 2023 yilning dekabrida xochsimon paylari uzilishi oqibatida 2025 yilning yanvar oyigacha tiklanish jarayonini o‘tkazdi. U safga qaytganidan keyin Madrid klubi safida 4 o‘yinda maydonga tushib, jami 70 daqiqa maydonda harakat qilgan edi.