"Real" Mbappe dubl qayd etgan o‘yinda "Selta"ni mag‘lub etdi

"Real" o‘z maydonida Ispaniya La Ligasining 34-turida "Selta"ni mag‘lub etdi - 3:2.

Madridliklar safida Kilian Mbappe dublni rasmiylashtirdi. 39 va 48-daqiqalarda fransuz gol urdi. Arda Gyuler (33-daqiqa) o‘z hisobiga gol va assist yozdirib qo‘ydi.

Madridliklar o‘yin davomida 3:0 hisobida oldinda borayotgandi, biroq Xavi Rodriges (69) va Villiott Svedbergning (76) gollaridan keyin g‘alabani boy berib qo‘yishiga bir baxya qoldi.

"Real" (75 ochko) La Ligada 2-o‘rinda bormoqda. Karlo Anchelotti jamoasi peshqadam "Barselona"dan 4 ochko ortda qolmoqda. "Selta" (46) turnir jadvalida yettinchi o‘rinda bormoqda.