"Real Madrid" Antonio Ryudigerni Saudiya Arabistoniga sotishi mumkin

"Real"ning germaniyalik markaziy himoyachisi Antonio Ryudiger so‘nggi vaqtlarda beqaror o‘yin namoyish etayotgani muxlislar e’tiboridan chetda qolmadi. Yig‘ilib qolgan charchoq va muhim o‘yinlarda, xususan, "PSJ"ga qarshi bahsda yo‘l qo‘yilgan bir nechta xatolar olovga moy sepgandek bo‘ldi.

Fichajes nashri xabariga ko‘ra, klub uning "Real"da davom etishini istisno qilmayapti, ammo endi uni loyihaning ajralmas figurasi sifatida ko‘rmayapti. Madridda, ayniqsa, moliyaviy jihatdan qudratli bozor, masalan, Saudiya Arabistoni takliflarini eshitish uchun hozir qulay fursat bo‘lishi mumkin, deb hisoblashadi.

Darhaqiqat, Saudiya Arabistoni bunga tezda munosabat bildirdi. "An-Nasr" Ryudigerga jiddiy qiziqish bildirmoqda. Saudiya klubi futbolchini ham, "Real" rahbariyatini ham qiziqtirishi mumkin bo‘lgan katta moliyaviy taklif berishga tayyor. Hozir hech qanday kelishuv yo‘q, ammo agar futbolchining o‘zi vaziyatni o‘zgartirish haqida jiddiy o‘ylab ko‘rsa, yaqin haftalarda muzokaralar tezlashishi mumkin.