"Real" "Liverpul" yulduzini KO‘JChga olib ketmoqchi

Madridning "Real" klubi Angliyaning "Liverpul" klubining o‘ng qanot himoyachisi Trent Aleksander-Arnoldni 2025 yilgi klublar o‘rtasidagi jahon chempionati boshlanishidan oldin jamoaga qo‘shib olmoqchi. Bu haqda Relevo xabar berdi. Klublar o‘rtasidagi jahon chempionati AQShda 15 iyundan 13 iyulgacha bo‘lib o‘tadi.

Manbaning xabariga ko‘ra, "qaymoqlilar" "qizillar" himoyachisining transferini iyun oyining birinchi 10 kuni davomida ochiq bo‘ladigan transfer oynasida rasmiylashtirmoqchi. Bu esa Ispaniya klubiga futbolchini klublar o‘rtasidagi jahon chempionatining boshidan foydalanish imkonini beradi. Bu bitimni amalga oshirish uchun Madrid klubi "Liverpul" bilan muzokaralar olib borishi kerak bo‘ladi. Himoyachining mersisaydliklar bilan shartnomasi 30 iyungacha amal qiladi.

Joriy mavsumda Aleksander-Arnold "Liverpul" safida barcha turnirlarda 41 ta o‘yinda maydonga tushib, 4 ta gol urdi va 8 ta golli uzatmani amalga oshirdi. Transfermarkt internet-portalida keltirilgan ma’lumotlarga ko‘ra, 26 yoshli futbolchining bozor narxi 75 million yevroni tashkil qiladi.