"Real" himoyachisi muhim o‘yinlar oldidan jarohat oldi

Antonio Ryudiger jarohati sabab "Espanyol"ga qarshi o‘yinni davom ettira olmadi.

Madridning "Real" klubi La Liganing 22-turida Kataloniyada mag‘lub bo‘ldi - 0:1.

Madridliklar himoyachisi Ryudiger o‘zini noqulay his qildi va o‘yinning 15-daqiqasidayoq almashtirilishini so‘radi.

Nemis futbolchisi o‘ng sonining orqa qismida noqulayliklar sezdi. Uning o‘rniga maydonga Raul Asensio tushdi.

Eslatib o‘tamiz, 8 fevral kuni "Real" La Ligada "Atletiko"ni qabul qilsa, 11-19-kunlarda esa Chempionlar ligasi doirasida "Man Siti" bilan o‘ynaydi.