Markaziy himoyachi Ilya Zabarniy Angliyaning "Bornmut" klubidan Fransiyaning "PSJ" klubiga o‘tdi. Bu haqda parijliklar matbuot xizmati xabar bermoqda.
22 yoshli futbolchi "PSJ" bilan 2030 yilgacha mo‘ljallangan mehnat shartnomasini imzolagan. OAV ma’lumotlariga ishonadigan bo‘lsak, himoyachini sotib olish Fransiya chempioniga 63 million yevroga va bonus to‘lovlariga tushgan.
Zabarniy 2023 yildan buyon "Bornmut" sharafini himoya qilib kelayotgandi. Jamoa tarkibida u barcha musobaqalarda 86 ta o‘yin o‘tkazib, bitta gol urgan va bitta golli uzatmani amalga oshirgan.
Ertaga, 13 avgust kuni "PSJ" UYEFA Superkubogi doirasida "Tottenxem"ga qarshi bahs olib boradi.
