Rasman! «Manchester Yunayted» sloveniyalik hujumchini 85 million yevroga sotib oldi

"Manchester Yunayted" rasmiy saytida 22 yoshli hujumchi Binyamin Sheshkoning "Leypsig"dan transfer qilingani haqida ma’lum qildi. Sloveniya terma jamoasi futbolchisi bilan shartnoma 2030-yil iyungacha tuzilgan.

Avvalroq OAV xabariga ko‘ra, "qizil iblislar" Sheshkoni 85 million yevroga sotib oladi. Shundan 76,5 million yevro — qat’iy to‘lov, 8,5 million yevro esa bonus sifatida belgilanadi.

Hujumchi 2023-yil yozidan beri Germaniya klubida to‘p surib kelgan. O‘tgan mavsumda Sheshko barcha musobaqalarda 45 ta o‘yinda maydonga tushib, 21 ta gol urdi va 6 ta golli uzatma berdi.