Raqobat qo‘mitasi «Maktab bozorlari»da narxlarni asossiz oshirmaslikka chaqirdi

Yangi o‘quv yili oldidan «Maktab bozorlari»da maktab formasi, o‘quv-qurollari va boshqa anjomlar savdosi qizg‘in davom etmoqda. Raqobat qo‘mitasi tadbirkorlarni narxlarni asossiz oshirmaslik, mahsulot sifati va xaridorlarga zarur ma’lumotlarni taqdim etish hamda iste’molchilar huquqlariga rioya qilishga chaqirdi. Maktab bozorlarida narxlar asossiz oshirilgan holatlarga duch kelgan fuqarolar Raqobat qo‘mitasining 1159 ishonch telefoniga murojaat qilishlari mumkin. Qo‘mita tomonidan narxlar bo‘yicha monitoring ishlari ham olib borilmoqda.