Ozarbayjonning «Sabah» klubi Chempionlar ligasi saralash bosqichi javob uchrashuvida Isroilning «Xapoel Beer-Sheva» jamoasini 5:2 hisobida mag‘lub etdi.
Boku shahridagi Tofiq Bahromov nomidagi stadionda o‘tgan bahsning asosiy vaqti 3:2 hisobida «Sabah» foydasiga yakunlandi. Ikki o‘yin natijasiga ko‘ra hisob tenglashgani bois qo‘shimcha bo‘limlar o‘ynaldi.
«Xapoel» 10-daqiqada Igor Zlatanovichning goli bilan hisobni ochdi. 38-daqiqada Kristian Nvachukvu muvozanatni tikladi. Ikkinchi bo‘limda mehmonlar Gay Mizraxi orqali yana oldinga chiqib oldi.
74-daqiqada o‘zbekistonlik yarim himoyachi Umarali Rahmonaliyev muhim golni urib, hisobni 2:2 ko‘rinishiga keltirdi. U 83-daqiqada almashtirildi.
Asosiy vaqtga qo‘shib berilgan to‘rtinchi daqiqada Tellur Mutallimov «Sabah»ning uchinchi golini urdi va bahs qo‘shimcha vaqtga qadar cho‘zildi.
Qo‘shimcha bo‘limlarda Orfe Mbina 101-daqiqada, Joy-Lens Mikels esa 115-daqiqada gol urib, mezbonlarning yirik g‘alabasini ta’minladi.
Shu tariqa, «Sabah» javob uchrashuvida 5:2 hisobida g‘alaba qozondi va ikki o‘yin natijasiga ko‘ra 6:4 hisobida ustun kelib, YECHL asosiy turniriga yo‘l oldi.
"100 million dollar evaziga hatto o‘z otamning ham yuziga uraman"
OAV: Lamin Yamal sevgilisi bilan birga yashashni boshladi
“Islom NATO”siga qo‘shilishni xohlovchilar ko‘paymoqda
