FIFA prezidenti Janni Infantinoga nisbatan bosim kuchaymoqda. Bir qator mashhur futbolchilar va sobiq yulduzlar uning rahbarligiga tanqidiy munosabat bildirib, qo‘shma murojaat e’lon qildi.
Murojaatni Mikael Silvestr, Lyusi Bronz, Emmanuel Peti, Biksent Lizarazyu, Rober Pires, Didye Drogba, Devid Jeyms, Klaudio Pisarro, Xuan Sebastyan Veron va Emmanuel Adebayor kabi taniqli futbol namoyandalari qo‘llab-quvvatlagan.
"Biz sevgan futbol hozirgi FIFA rahbarligi ostida o‘zining asosiy qadriyatlaridan tobora uzoqlashib borayotganiga guvoh bo‘ldik. Uzoq vaqt davomida muhim qarorlar futbolchilar bilan maslahatlashmasdan, ularning fikrini hisobga olmasdan va muxlislarga yetarlicha hurmat ko‘rsatmasdan qabul qilinganini kuzatdik", — deyiladi murojaatda.
Eslatib o‘tamiz, Janni Infantino 2016 yildan buyon FIFA prezidenti lavozimida ishlab kelmoqda.
"100 million dollar evaziga hatto o‘z otamning ham yuziga uraman"
OAV: Lamin Yamal sevgilisi bilan birga yashashni boshladi
Hakamlikdagi shov-shuvdan keyin «Paxtakor» homiysi klubdan ketishi mumkin
