“Qur’oni Karim va o‘zbek tilidagi ma’nolari tarjimasi” qayta nashr etildi

Shayx Muhammad Sodiq Muhammad Yusufning “Qur’oni Karim va o‘zbek tilidagi ma’nolari tarjimasi” kitobi qayta nashr etildi. Bu haqda “Hilol nashr” xabar berdi.
 
Mazkur kitob – kitobxonlar tomonidan mamnuniyat bilan kutib olingan “Tafsiri Hilol”ning qisqartirilgan, maxsus nashri bo‘lib, unda faqat oyatlarning asli hamda ma’nolarning o‘zbekcha tarjimasi berilgan. Bu esa Qur’oni Karimni tilovat qiluvchilar uchun qiroat davomida oyatlarning mazmuni bilan ham tanishib borish imkonini beradi, deyiladi xabarda.
 
“Qur’oni Karim va o‘zbek tilidagi ma’nolari tarjimasi”ning muqaddimasidan uning ushbu nashrning o‘ziga xos xususiyatlari haqida keng ma’lumot olishingiz mumkin.