Qozog‘istonlik tadbirkor «Qayrat» futbolchilariga «Real» ustidan g‘alaba qozonilsa, katta sovg‘a va’da qildi

Qozog‘istonlik tadbirkor Tursengali Alaguzov "Qayrat" futbolchilariga yangi avtomobil sovg‘a qiladi, agar jamoa UYEFA Chempionlar Ligasi umumiy bosqichining ikkinchi turida o‘z uyida "Real" ustidan g‘alaba qozonsa.

«Tug‘ilgan kunim arafasida, va’da beramanki, "Qayrat" g‘alaba qozongan taqdirda, barcha o‘ynagan futbolchilarga - bittadan avtomobil. "Qayrat" - chempion!», - deyiladi tadbirkor murojaatida.

Eslatib o‘tamiz, "Qayrat"ning "Real"ga qarshi o‘yini 30 sentyabr, seshanba kuni bo‘lib o‘tadi. Bahs Toshkent vaqti bilan 21:45'da start oladi.

Qozog‘iston klubi dastlabki turda safarda Portugaliyaning "Sporting" klubiga yirik 1:4 hisobida yutqazdi.