Qozog‘istonda internet va ijtimoiy tarmoqlarda haqoratli yoki so‘kinish so‘zlarini ishlatganlik uchun jarima va hatto ma’muriy qamoq jazosini nazarda tutuvchi qonun loyihasi ishlab chiqilmoqda.
Loyihaga ko‘ra, bunday huquqbuzarliklar uchun 86 500 tenge miqdorida jarima solish, 20 soatdan 60 soatgacha jamoat ishlariga jalb qilish yoki 5 sutkadan 15 sutkagacha ma’muriy qamoq jazosini qo‘llash taklif etilmoqda.
Tashabbuskorlarning fikricha, mazkur choralar internet makonida muloqot madaniyatini oshirish, haqorat va tajovuzkor xatti-harakatlarni kamaytirishga xizmat qiladi.
Ma’lum qilinishicha, qonun loyihasi iyun oyida parlament muhokamasiga kiritilishi, yil oxirigacha esa ko‘rib chiqilishi rejalashtirilgan.
Agar hujjat qabul qilinsa, Qozog‘istonda internetda haqorat va so‘kinish so‘zlarini ishlatganlik uchun javobgarlik ancha kuchaytiriladi.
Timmi ismli kit bioyoqilg‘iga aylanadi
O‘zbekiston — Kolumbiya o‘yini uchun chiptalar sotuvi rekord darajaga chiqdi
AQShda ham to‘y qilayotganlar aqldan ozmoqda
