Qozog‘iston temir yo‘llari sun’iy intellekt uchun raqamli sinov maydonchalarini yaratadi

"Qozog‘iston temir yo‘llari" kompaniyasi sun’iy intellektga asoslangan temir yo‘l uchun eng yaxshi ishlanmalarni sinash, aprobasiya qilish va amalga oshirish uchun raqamli sinov maydonchalarini yaratadi.

Bu haqda tashkilot matbuot xizmati xabar berdi.

Qayd etilishicha, IDC yetakchi global tahlil agentligi vise-prezidenti Andrey Beklemishev Digital Almaty 2025 xalqaro forumi doirasidagi "AI bo‘yicha global koalisiya: hamkorlik va rivojlanish vektori" sessiyasida sun’iy intellekt bozoridagi jahon tendensiyalari bilan o‘rtoqlashdi.

IDC ma’lumotlariga ko‘ra, sun’iy intellektga global xarajatlar yillik o‘rtacha 30% dan oshib bormoqda, GenAI bozori o‘tgan yili ikki barobardan ko‘proqqa ko‘paygan. IDC 2028 yilga borib sun’iy intellekt texnologiyalari uchun jami global xarajatlar 620 milliard AQSh dollaridan oshishini kutmoqda.

Andrey Beklemishev Qozog‘istonda sun’iy intellektdan muvaffaqiyatli foydalanishning ayrim misollari haqida gapirib, "Qazaqstan temіr joli" kompaniyasining raqamli sinov maydonchalarini yaratish tashabbusini qayd etdi. "Sinov maydonlari IT-kompaniyalar, universitetlar va texnoparklar nafaqat sun’iy intellektning turli komponentlarini ishlab chiqish, balki o‘z yechimlarini temir yo‘l transportining real ish sharoitlariga moslashtirib, amaliyotda sinab ko‘rishlari mumkin bo‘lgan asosiy maydonlarga aylanadi", - deydi u.