Checheniston rahbari Ramzan Qodirov Gudermesdagi Rossiya maxsus kuchlari universitetiga qilingan hujumga javoban dushmanlariga "hatto xayollariga kelmagan qasos" ko‘rsatilishini ma’lum qildi. U oldingi safdagi barcha qo‘mondanlarga Ukraina Qurolli Kuchlarining askarlarini "asirga olmaslik" va "kurashni 100 foizdan ham ko‘proq kuchaytirish"ni buyurdi.
"Ular bizni chaqqan bo‘lsa, biz ularni yo‘q qilamiz. Yaqin kelajakda shunday qasos ko‘rsatamizki, ular buni tasavvur ham qila olmaydilar. Biz bilan hazillashishga yo‘l qo‘ymaymiz," - deya TASS Qodirovning so‘zlarini keltirdi.
Checheniston rahbarining ta’kidlashicha, bu ob’ekt harbiy xizmatchilarning qo‘mondonligi bo‘lgani uchun tanlangan. Ukraina qurolli kuchlari esa unga hujum qilib, «bu yo‘l bilan uni qo‘rqitmoqchi bo‘lgan». Shuningdek, u chechen jangchilari endi «maxsus harbiy operasiya zonasi»dagi sa’y-harakatlarini ikki baravar oshirishiga va’da berdi.
"Bugun men oldingi safdagi barcha komandirlarga asirga olinmaslik, yo‘q qilish va kurashni yanada, 100 foiz kuchaytirish haqida topshiriq berdim. Chechenlar o‘z harbiy imkoniyatlarini qanday kengaytirishi mumkinligini tushunishlari uchun," - dedi u.
Ramzan Qodirov, shuningdek, tergov ushbu hujum qanday sodir bo‘lganini aniqlashi va barcha aybdorlar jazolanishini aytdi.
9 yanvar AQShda motam kuni deb e’lon qilindi
G‘arb Rossiyadan sanksiyalarni AQShga ko‘chirishni taklif qildi
Rossiyada vaqtincha mehnat faoliyatini olib borayotgan hamyurtlarimiz uchun muhim xabar
