Gaz infratuzilmasi ob’ektlaridagi portlashlar tufayli mahalliy ishlab chiqarishning qisqarishi Ukrainani gaz import qilishga majbur qilmoqda. Isitish mavsumi ehtiyojlarini qoplash uchun zarur bo‘lgan taxminan 5 milliard kub metr gazni sotib olish uchun taxminan 2 milliard dollar kerak bo‘ladi. Hukumat shundan atigi 200 million dollar ajrata oldi. Ukraina qolgan summani G‘arb hamkorlarining maqsadli transhlari hisobidan qoplashga umid qilmoqda, biroq hozirgacha Norvegiyadan atigi 150 million yevro (174,45 million dollar) va Germaniyadan 60 million yevro (69,78 million dollar) olgan.
Oktyabr oyi o‘rtalarida Ukrainaning gaz omborlarida taxminan 12 milliard kubometr gaz bor edi, biroq zarur bosim va operasion quvvatni saqlab turish uchun uning 5 milliard kub metrdan ortig‘i tizimda qolishi kerak. Hatto yumshoq qishda ham mamlakatga taxminan 10 milliard kub metr gaz kerak bo‘ladi, aniqrog‘i 11–12 milliard kub metr.
Gaz taqchilligi tufayli Ukrainada isitish mavsumi hali boshlanmagan. Kiyev mintaqalar zarur qarorlarni mustaqil ravishda qabul qilishi kerakligini ta’kidladi. Ba’zi hududlarda, masalan, Lvovda, turar-joy binolariga emas, balki jamoat ob’ektlariga gaz berila boshlandi.
Toshkent viloyatida hibsxona xodimlari pedofilning qochib ketishiga sharoit yaratganmi?
Toshkentda bo‘lajak kuyov qizni aldab, hovlisini sotib yuborgani yuzasidan rasmiy ma’lumot berildi
"Vaqt Isroilga qarshi ishlayapti..."
