Qirg‘iziston viza siyosatiga o‘zgarish kiritib, bir necha, jumladan sayyohlik va ishbilarmonlik toifalarini bekor qildi va soddalashtirilgan “Sapar vizasi” tizimini joriy etdi. Bu haqda mamlakat TIV matbuot xizmati bayonot berdi.
Bu turdagi viza elektron portal orqali 24 soat ichida beriladi va bir yoki bir necha marta kirib, jami 90 kungacha qolish imkonini beradi. Yangi tartib shaxsiy maqsadda kelgan chet elliklar – sayyohlar, tadbirkorlar uchun mo‘ljallangan.
2025 yil 22 yanvardan kuchga kiradigan “Sapar vizasi” sayyohlar va investorlarni ko‘proq jalb qilish, qog‘ozbozlikka barham berish va iqtisodiyotni rag‘batlantirishga qaratilgan.
