Bank kreditlari ko‘pchilik hollarda kafillik yoki garov evaziga beriladi. Agar kredit olgan shaxs bank oldidagi majburiyatlarini bajarmasa sud tomonidan kredit qarzdorligini garovdagi mulkka qaratish to‘g‘risida ijro varaqasi chiqariladi.
Majburiy ijro byurosi Farg‘ona tuman bo‘limi ish yurituviga ham aynan shu mazmundagi ijro hujjati kelib tushgan bo‘lib, unga ko‘ra qarzdor V.A.dan undiruvchi “KAPITALBANK” Farg‘ona viloyat filiali foydasiga 160 mln. so‘m kredit qarzdorligini undirish, shuningdek undiruvni qarzdorga tegishli avtotransport vositasiga qaratish belgilangan.
Ijro harakatlari davomida garovdagi “Lacetti 2” avtomashinasi ijro hujjatida ko‘rsatilgan manzildan topilmaganligi sababli, unga nisbatan qidiruv e’lon qilingan.
Qidiruv ishlari natijasida kredit ta’minoti sifatida garovga qo‘yilgan “Lacetti 2” rusumli avtomashina topilib, xatlandi va vaqtincha saqlash uchun jarima maydonchasiga olib kirildi.
Endilikda, kredit qarzlari qaytarilmasa avtomashina auksion orqali sotuvga qo‘yilishi mumkin.
Rossiya aeroportida o‘zbekistonliklar qo‘lga olindi
Surxondaryoda pomidorni shpaklyovkaga "aylantirishdi"
Rasman! O‘zbekistonda Ramazon hayiti qachon nishonlanishi ma’lum bo‘ldi
